youn tou Saday_e_Zakhm boht door tak gayi

Post by **Faridi** » Jan 18, 2011 Views: 870

یوں تو صدائے زخم بہت دور تک گئی
اک چارہ گر کے شہر میں جا کر بھٹک گئی

خوشبو گرفتِ عکس میں لایا اور اُس کے بعد
میں دیکھتا رہا تری تصویر تھک گئی

گُل کو برہنہ دیکھ کر جھونکا نسیم کا
جگنو بجھا رہا تھا کہ تتلی چمک گئی

میں نے پڑھا تھا چاند کو انجیل کی طرح
اور چاندنی صلیب پر آکر لٹک گئی

روتی رہی لپٹ کے ہر اک سنگِ میل سے
مجبور ہو کہ شہر کے اندر سڑک گئی

قاتل کو آج صاحبِ اعجاز مان کر
دیوارِ عدل اپنی جگہ سے سرک گئی

Post by **ujala** » Jan 18, 2011

good one