Koi mujhko mera bharpoor saraapa ladey - Noshi Gilani

Pearl

Koi mujhko mera bharpoor saraapa ladey
Mere baazoo meri aankhen mera chehra la dey

Aisa dariya jo kisi aur samandar mai girey
Is se behter hai ke mujhko mera sehra la dey

Kuchh nahee chahiye tujh se meri ai umr-e-rawan
Mera bachpan mere jugnoo meri gudia laa dey

Jiski aankhen mujhe ander se bhi padh sakti hon
Koi chehra to mere sheher mai aisa la dey

Kishti-e-jaan to bhanwar mai hai kai barson se
Ai Khuda ab to dubo dey ya kinara la dey

Sawera · Initiator Joined: 03 Sep 2009 Posts: 1244 Gender:

nice sharing

Pearl · **Posted:** Oct 13, 2009 **Post subject:**

thanks sawera